करमाळा शहरात टाळ , मृदंगाच्या निनादात व विठ्ठल नामाच्या गजरात , भगव्या पताका व पारंपारीक पेहरावात अवतरली पंढरी.........
[ भाजपाचे युवानेते शंभूराजे जगताप यांचा किंग्ज फाऊंडेशन च्या माध्यमातून जिल्ह्यातील सर्वात मोठ्या योग दिन सोहळ्या नंतर शहरवासियांसाठी पून्हा एकदा ' सामुहिक दिंडी सोहळ्याचा 'योग ]
आषाढी एकादशीच्या एक दिवस अगोदर च करमाळा शहरातील शाळकरी मुला - मुलीं साठी , पालक , युवकवर्ग व नागरिकां साठी आज ' सामुहिक दिंडी सोहळ्यातून ' चक्क पंढरी राया विठ्ठला च्या दर्शनाची अनुभूतीच आली . भाजपाचे युवानेते शंभूराजे यांच्या संकल्पनेतून व पूढाकारातून व किंग्ज फाऊंडेशन च्या माध्यमातून सार्वजनिक गणेशोत्सव , दहिहंडी तसेच सर्वधर्म समभावाचा संदेश देणारे विवीध सण - उत्सव व सामाजिक उपक्रमांची शहर व तालुका वासियांसाठी नेहमीच खास पर्वणी असते .
कोरोना काळातील त्यांनी राबवलेले उपक्रम कौतुकास्पद आहेत. आज शनिवारी सकाळ पासुनच शहरात भक्तीमय वातावरण झाले होते . हातात भगव्या पताका, टाळ - मृदंग, तबला, हार्मोनियम , विणा , महाराष्ट्रा सह संपूर्ण भारताच्या संस्कृती चे दर्शन घडवणारी वेशभूषा यामध्ये विशेषतः श्रीराम , लक्ष्मण , विठ्ठल , श्रीकृष्ण , या शिवाय आई जिजाऊ , शिवाजी महाराज, स्वामी विवेकानंद , सावित्रीबाई फुले , झाशीची राणी , आहिल्यादेवी , तसेच संत तुकाराम , संत ज्ञानेश्वर , संत बाळुमामा अशा विवीध रूपात शहरातील नगर पालिकेच्या सर्व शाळां , महात्मा गांधी विद्यालय व ज्युनियर कॉलेज सह लीड स्कुल चे शाळकरी मुले - मुले , मुख्याध्यापक - मुख्याध्यापिका , शिक्षक - शिक्षीका , माजी विद्यार्थी - विद्यार्थिनी व पालक दिंडीत उत्साहाने सहभागी झाले होते . याशिवाय शेतकऱ्यांच्या वेषातील वारकरी , खेळाडुंच्या वेशातील , तिरंगा ध्वजाच्या रंगाच्या वेशातील वारकरी , पर्यावरण जागृती , कृषी , वैज्ञानिक , आरोग्य विषयक , शैक्षणिक , व विवीध सामाजिक संदेश देणारे फलक हातात घेवून विवीध संदेश देत या चिमूकल्या वारकर्यांनी सर्वांचे लक्ष वेधून घेतले .
महाराष्ट्राचा सामाजिक अन् सांस्कृतिक वारसा या दिंडी मूळे जोपासण्याचे काम या निमीत्ताने झाले आहे .महात्मा गांधी विद्यालयाच्या प्रागंणातून सर्व प्रथम आयोजक युवानेते शंभूराजे जगताप यांनी उपस्थितांचे स्वागत केले .ह भ .प . साबळे महाराज यांनी दिंडी व अध्यात्माच्या महत्वाचे विवेचन केले त्यानंतर ह . भ . प . साबळे महाराज , युवानेते शंभूराजे जगताप,म गांधी विद्यालयाचे प्राचार्य कापले पोपटराव , सर्व न.प.प्रशालांचे मुख्याध्यापक - मुख्याध्यापिका व इतर मान्यवरांच्या हस्ते पालखी पूजन व अश्व पूजन करून या 'सामूहिक दिंडी ' सोहळ्याची सुरुवात झाली व किल्ला वेस - वेताळ पेठ - जय महाराष्ट्र चौक - शिवाजी महाराज पुतळा - सुभाष चौक -डॉ आंबेडकर पुतळा ते देशभक्त नामदेवराव जगताप क्रिडा संकुल ( जिन मैदान ) येथे नेत्रदिपक रिंगण सोहळा संपन्न झाला .
दिंडी प्रवास करताना चिमुकल्या वारकऱ्यांचे शहरवासियांनी उत्साहाने स्वागत केले . दिंडी प्रवासात व रींगण सोहळ्यात फुगडी , लेझीम , अभंग गौळण गायन , ढोल - ताशा व इतर पारंपारीक वाद्ये वादन, घोडेस्वारी याचा सर्वांनी पावसात भिजत आनंद घेतला . या उपक्रमाच्या आयोजनामुळे शहरासह तालुक्यात युवानेते शंभूराजे यांचे सर्वत्र कौतूक होत आहे .
Comments
Post a Comment